Mos bëj zë se letrat s’ti lexoj,
E përgjigje pas tyre s’të kthej
Ditë e tërë duhet t’i kuptoj
E për dreq prapë sensin s’ua gjej.
Mos mu qa se nuk qesh me shakatë
Që ti pretendon se ke bërë,
Po s’më del kurrë veç një natë
Të nxjerr helmin e vitit të tërë.
Me ankesa vesh s’po të marr
Viktimë ti,viktimë unë, kush e di!
Po s’më duhen as letra,as shaka
Kur s’ka ‘ne’,s’më duhesh as ti.
Mos bëj zë se jam e padrejtë,
Po s’di më mirë të ta them
Në do të përgjigjem dhe qesh
Pse nuk e nis rrugën dhe vjen?
Viktimë unë,viktimë ti,të dy themi
Po nuk vlen më as njëra,as tjetra
Ti sdi të jetosh pa përgjigje
Unë s’di të jetoj me letra..
Deli Muçollari / 2015
I will make your page more known girl! 😉 Ke materiale shume interesante. Te perqafoj! 🙂
Meg *_*